Treyninq mərkəzi tərəfindən tələbələr müxtəlif səpgili tədbirlərə cəlb edilirlər. Respublikamızda fəaliyyət göstərən xarici ölkələrin səfirliklərin köməyi ilə təhsil barədə məlumat əldə etmək məqsədilə müxtəlif universitetlər, beynəlxalq şirkətlər və təşkilatların diplomatik nümayəndələri ilə əlaqə yaradılır və görüşlər keçirilir. Əməkdaşlıq məqsədilə xaricdə təhsil almaq məsələləri ilə bağlı məlumat əldə etmək üçün səfirliklərin nümayəndələri ilə işgüzar görüşlər keçirilir, diskusiyalar təşkil edilir. Universitetdə ingilis, fransız, alman və digər xarici dilləri öyrənən tələbələrə mütəmadi elmi-nəzəri və təcrübi köməklik göstərilir.

Böyük Britaniya səfırliyinin nəzdindəki Britaniya Şurasının təhsil bölməsi nümayəndələri ilə treyninq mərkəzində Universitetin tələbələri və müəllimlərinin iştirakı ilə elmi-yaradıcı görüşlər, dialoqlar, sual-cavablar keçirilmişdir.

Almaniya Federativ Respublikasının səfirliyinin nəzdindəki Alman Akademik Mübadilə xidməti işçiləri ilə keçirilən görüşlərdə maraqlı təcrübə mübadiləsi olmuşdur.

Səfirliyin işçiləri tərəfindən iştirakçılara tədrislə bağlı dərs və tədris-metodik vəsaitləri, jurnallar və sair maarifləndirici kitablar hədiyyə edilmişdir. Hazırda Universitetin kitabxanasında hədiyyə edilmiş 200-dən artıq kitab, jurnal və tədris vəsaitləri tələbə və müəllimlərin istifadəsinə verilmişdir.

Bakı şəhərində fəaliyyət göstərən xarici ölkə səfirliklərinin nümayəndələrinin tələbələrimizlə vaxtaşırı keçirilən görüşlərində treninqlər təşkil edilir.

Ən fəal tələbələrə universitetin rektorluğu, səfirliklər və beynəlxalq şirkətlərin nümayəndəlikləri tərəfindən müxtəlif dərəcəli sertifıkatlar verilir.

Universitetdə elmi-tədqiqat işlərinin aparılması yüksək ixtisaslı kadr hazırlanmasında böyük rol oynayır.