Xəbərlər
- Bakı Biznes Universitetində “Beynəlxalq autizm maarifləndirmə günü”nə həsr edilmiş tədbir
- “Beynəlxalq sosial iş günü”nə həsr olunmuş tədbir
- Bakı Biznes Universiteti aşağıda qeyd olunan vakant vəzifəni tutmaq üçün müsabiqə elan edir
- Bakı Biznes Universiteti və Xüsusi Rabitə və İnformasiya Təhlükəsizliyi Dövlət Xidməti arasında əməkdaşlıq haqqında Memorandum
- STATA proqram təminatının tətbiqi ilə data analizi üzrə təlimlər
- “03 dekabr - Beynəlxalq Əlilliyi olan Şəxslər Günü”nə həsr olunmuş tədbir
- Bakı Biznes Universitetində Təhsil Tələbə Krediti Fondu ilə tələbələrin geniş tərkibdə görüşü keçirilib
- “Sosial sahədə Data analitikası” mövzusunda seminar
- 27 Sentyabr Anım Günü ilə bağlı tədbir
- Bakı Biznes Universitetinin 2019-2023-cü illəri əhatə edən 5 illik Strateji İnkişaf Planının icrasının müzakirəsi
Təhsil Tələbə Krediti Fondu nümayəndələri ilə görüş
Bu gün Təhsil Tələbə Krediti Fondu nümayəndələri ilə Bakı Biznes Universitetinin nümayəndələri arasında görüş keçirilib. Tanışlıq məqsədilə təşkil olunan görüşdə həm də iki qurum arasında əməkdaşlıq məsələlərinin istiqamətləri müzakirə olunub.
Məlumatlandırma məqsədilə keçirilən görüşdə TTKF-in sədr müavini Bəhruz Əzimov və Fondun əməkdaşı Ağca Məmmədova Azərbaycan Respublikasının Prezidenti İlham Əliyevin müvafiq Sərəncamına əsasən Təhsil Nazirliyinin tabeliyində yaradılmış TTKF-in fəaliyyət istiqamətləri, Fonda müraciət qaydaları,təhsil tələbə kreditlərinin verilməsi meyarları barədə geniş məlumat veriblər. 2021 – 2022 tədris ili üçün qeydiyyatdan keçmiş tələbələr haqqında müzakirələr edib, Fondun əməkdaşlarının təhsil tələbə kreditləri haqqında təqdimatından sonra məsul şəxslərin və tələbələrin sualları cavablandırılıb, təklifləri qeydə alınıb. Vurğulanıb ki, Fondun fəaliyyətinin əsas məqsədi təhsil tələbə krediti sistemi vasitəsilə təhsilin əlçatanlığını təmin etməkdir.
Qeyd edilib ki, payız semestri ərzində TTKF-də Bakı Biznes Universitetindən 131 müraciət rəsmiləşdirilib: 58 tələbəyə sosial, 73 tələbəyə standart kredit verilib.
Bakı Biznes Universitetinin Tədris işləri üzrə prorektoru, dos. Xatirə Əzizova çıxış edərək tələbələrin təhsil haqqının ödənilməsi üçün kredit fondunun yaradılmasının çox əhəmiyyətli olduğunu bildirib.
Təhsil Tələbə Krediti Fondunun sədr müavini Bəhruz Əzimov qurumun fəaliyyəti haqqında görüş iştirakçılarını məlumatlandırıb. Qeyd edib ki, artıq 2021-2022 tədris ilinin payız semestri fondun yaratdığı portal üzərindən kreditlə bağlı müraciətlər qəbul olunub. B.Əzimov Təhsil Tələbə Krediti Fondunun iş prinsiplərini təbliğ etmək məqsədilə ali məktəblər və tələblərlə silsilə görüşlər keçirildiyini də bildirib.
Görüşdə BBU-nun tədris işləri üzrə prorektor Əzizova Xatirə, İqtisadiyyat və idarəetmə fakültəsinin dekanı, dos. Afidə Həsənova, Biznes və menecment fakültəsinin dekanı, i.ü.f.d. Şahin Musayev, Tələbə qəbulu və ictimaiyyətlə əlaqələr mərkəzinin direktoru Əli Bağırzadə, rektor köməkçisi Cavidan Heydarov, Tələbə gənclər təşkilatının sədri Turan Abbaslı iştirak edirdilər.
