Bakı Biznes Universitetində “Dövlət Müstəqilliyi Günü” qeyd olundu

16 oktyabr 2015-ci il tarixində Bakı Biznes Universitetində “Dövlət Müstəqilliyi Günü”nə həsr olunmuş tədbir keçirilmişdir. Tədbirdə həmçinin Yasamal və Səbail rayonları orta məktəblərinin bir qrup məktəbliləri də iştirak etdilər. Tədbiri giriş sözü ilə Universitetin rektoru, i.e.d., prof. İ.M.Abbasov açaraq toplantı iştirakçılarını Dövlət Müstəqilliyimizin 24-cü ildönümü münasibətilə təbrik etmişdir. O, sonra Azərbaycan Respublikasının bu günə qədər ayrı-ayrı sahələr üzrə əldə etdiyi nailiyyətlərdən bəhs etmişdir. Daha sonra t.e.d. İ.Ağasiyev tədbir iştirakçılarını Azərbaycanın qədim tarixini əks etdirən müxtəlif illərin xəritələri ilə tanış etmiş və Azərbaycanın ayrı-ayrı tarixi dövrlərdəki əraziləri və baş vermiş hadisələrlə bağlı məlumat vermişdir.